Cofnodion - Y Pwyllgor Busnes

Lleoliad:

Tŷ Hywel

Dyddiad: Dydd Mawrth, 15 Hydref 2024

Amser: 09.00 - 09.37
 

Remote/ Private

------

Yn bresennol

Categori

Enwau

Aelodau’r Pwyllgor:

Elin Jones AS, Llywydd (Cadeirydd)

Heledd Fychan AS

Jane Hutt AS

Darren Millar AS

Staff y Pwyllgor:

Graeme Francis (Clerc)

Yan Thomas (Dirprwy Glerc)

Eraill yn bresennol

Jane Dodds AS

David Rees AS, Y Dirprwy Lywydd

Manon Antoniazzi, Prif Weithredwr a Chlerc y Senedd

Bethan Davies, Pennaeth Gwasanaeth y Siambr a Phwyllgorau

Julian Luke, Pennaeth Pwyllgorau Polisi a Deddfwriaeth

Siân Wilkins, Pennaeth Gwasanaeth y Siambr a Phwyllgorau

Helen Carey, Llywodraeth Cymru

 

<AI1>

1       Cyflwyniadau, ymddiheuriadau a dirprwyon

Croesawodd y Llywydd yr Aelodau i’r cyfarfod. Ni chafwyd dim ymddiheuriadau.

</AI1>

<AI2>

2       Cofnodion y cyfarfod blaenorol

Cytunodd y Pwyllgor Busnes ar welliannau i gofnodion eitem 4.1: Amserlen ar gyfer y Bil Deddfwriaeth (Gweithdrefn, Cyhoeddi a Diddymu) (Cymru) ar gais y Trefnydd.

 

Derbyniodd yr aelodau hefyd wahoddiad gan y Trefnydd i’r Cwnsler Cyffredinol a’r Gweinidog Cyflawni ddarparu briff ar raglen ddeddfwriaethol y Llywodraeth mewn cyfarfod o’r Pwyllgor Busnes yn y dyfodol.

 

 

</AI2>

<AI3>

3       Trefn Busnes

</AI3>

<AI4>

3.1   Busnes yr wythnos hon

Dydd Mawrth

 

·         Caiff y Cyfnod Pleidleisio ei gynnal fel yr eitem olaf o fusnes.

·         Nid yw'r Cyfarfod Llawn yn debygol o fynd y tu hwnt i 7.00pm

 

Dydd Mercher

 

·         Caiff y Cyfnod Pleidleisio ei gynnal cyn y Ddadl Fer.  

·         Nid yw'r Cyfarfod Llawn yn debygol o fynd y tu hwnt i 7.15pm

 

Pwyllgor Senedd y Dyfodol

 

Cytunodd y Pwyllgor Busnes y gallai Pwyllgor Senedd y Dyfodol, os caiff ei sefydlu gan y Senedd ar 16 Hydref, gynnal cyfarfod cychwynnol fore Mercher 23 Hydref.

 

Cytunodd y Pwyllgor Busnes hefyd, mewn egwyddor, i’r Pwyllgor gael slot cyfarfod parhaol o fewn amserlen y pwyllgorau yn yr un cylchdro â’r Pwyllgor Cyllid a’r Pwyllgor Llywodraeth Leol a Thai.

 

 

 

</AI4>

<AI5>

3.2   Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes nad oes unrhyw newidiadau i amserlen Busnes y Llywodraeth ar gyfer y tair wythnos nesaf.

Gwnaeth Darren Millar gais i’r Llywodraeth wneud datganiad ysgrifenedig neu lafar ar y Cynllun Ffermio Cynaliadwy cyn y toriad hanner tymor. Dywedodd y Trefnydd y byddai'n ystyried y cais. 

 

</AI5>

<AI6>

3.3   Amserlen busnes y Senedd ar gyfer y tair wythnos nesaf

Cytunwyd ar y newidiadau a ganlyn i amserlen Busnes y Senedd ar gyfer y tair wythnos nesaf:  

 

Dydd Mercher 23 Hydref 2024 –

 

Dydd Mercher 13 Tachwedd 2024 -

·         Dadl ar adroddiad y Pwyllgor Plant, Pobl Ifanc ac Addysg:  A yw plant a phobl ifanc anabl yn cael mynediad cyfartal at addysg a gofal plant? (60 munud)

·         Dadl ar adroddiad y Pwyllgor Newid Hinsawdd, yr Amgylchedd a Seilwaith: Adfer safleoedd glo brig (60 munud)

·         Amser a neilltuwyd i’r Ceidwadwyr Cymreig (60 munud)

 

Nododd y Pwyllgor Busnes y bydd dadl ar y ddeiseb P-06-1456: Ymchwiliad cyhoeddus llawn i gau canolfannau Ambiwlans Awyr Cymru yng nghanolbarth a gogledd Cymru y gofynnwyd amdani’n flaenorol gan y Pwyllgor Deisebau, yn cael ei gohirio nes y bydd gweithrediadau barnwrol cyfredol ar y mater wedi’u cwblhau.

 

</AI6>

<AI7>

4       Pwyllgorau

</AI7>

<AI8>

4.1   Llythyr gan Gadeirydd y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol ynghylch ymweliad y pwyllgor â Brwsel.

Cytunodd y Pwyllgor Busnes ar gais pellach i aelodau’r pwyllgor gael eu hesgusodi hefyd o’r Cyfarfod Llawn ddydd Mawrth 19 Tachwedd, pe bai busnes yn rhedeg yn hwyr y noson honno.

 

</AI8>

<AI9>

5       Casglu ynghyd ganllawiau a gyhoeddir gan y Llywydd o dan Reol Sefydlog 6.17

</AI9>

<AI10>

5.1   Canllawiau ar drafodion rhithwir a hybrid

Trafododd y Pwyllgor Busnes y diwygiadau arfaethedig i'r Canllawiau ar drafodion rhithwir a hybrid, yn ymwneud â'r Cyfarfod Llawn a chyfarfodydd pwyllgor a nododd ei fod yn fodlon â'r diwygiadau hynny. Cytunodd y Rheolwyr Busnes hefyd ar drefniadau ymarferol arfaethedig ar gyfer treialu rhaghysbysiad ar gyfer pleidleisio o bell yn y Cyfarfod Llawn.

 

</AI10>

<AI11>

6       Gwaith Gweithdrefnol

</AI11>

<AI12>

6.1   Rhaglen Waith Weithdrefnol

Trafododd y Pwyllgor Busnes ei Raglen Waith Weithdrefnol a'r rhyngweithio rhwng nifer o eitemau yn y rhaglen a chylch gwaith Pwyllgor arfaethedig Senedd y Dyfodol. Mewn perthynas â’r adolygiadau arfaethedig o’r broses graffu ddeddfwriaethol ar gyfer Biliau cyhoeddus a phroses Bil Aelod, nododd y Pwyllgor Busnes y byddai’n parhau i fod yn gyfrifol am y ddau adolygiad, ond y gallai fod angen iddo ystyried unrhyw gynigion a wneir gan Bwyllgor Senedd y Dyfodol sy’n berthnasol i'r agweddau hynny, ac agweddau eraill, ar ei raglen.

 

Cytunodd y Pwyllgor Busnes ar y canlynol:

 

·         yr amserlen arfaethedig ar gyfer ei waith gweithdrefnol; a

·         pheidio â dechrau adolygiad llawn o'r broses cydsyniad deddfwriaethol fel rhan o'r rhaglen ar hyn o bryd, ond ystyried y sefyllfa yng ngoleuni profiad wrth ystyried diweddariad pellach i'r rhaglen yn nhymor y Gwanwyn.

 

</AI12>

<AI13>

7       Unrhyw fater arall

Gofynnodd y Llywydd i’r Rheolwyr Busnes atgoffa eu Haelodau o sesiynau galw heibio ac ymgynghoriad sydd ar y gweill gan y Bwrdd Taliadau Annibynnol.

 

</AI13>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>